កម្លាំងនគរបាលខណ្ឌឫស្សីកែវ ឃាត់ខ្លួនមុខសញ្ញាជួញដូរគ្រឿងញៀនម្នាក់ ដកហូតថ្នាំញៀនចំនួន៤២កញ្ចប់
06-June-2019 | ដោយ ពលមនសិការ
ភ្នំពេញ៖ កម្លាំងនគរបាលខណ្ឌឫស្សីកែវ សហការជាមួយកម្លាំងនគរបាលប៉ុស្តិ៍ ស្រាវជ្រាវឃាត់ខ្លួនជនសង្ស័យម្នាក់ជាក់ស្តែងករណីជួញដូរដោយខុសច្បាប់នូវសារធាតញៀននៅថ្ងៃទី៦ ខែមិថុនា ឆ្នាំ២០១៩ វេលាម៉ោង១០នឹង៣០នាទី នៅចំណុចក្រុមទី១០ ភូមិលូ សង្កាត់ស្វាយប៉ាក ខណ្ឌឫស្សីកែវ រាជធានីភ្នំពេញ។
លោកវរសេនីយ៍ទោ គល់ យី អធិការនគរបាលខណ្ឌ បានឱ្យដឹងថាជនសង្ស័យឈ្មោះ រង្សី ផាត់ទីយ៉ា ភេទប្រុស អាយុ២៤ឆ្នាំ ជនជាតិខ្មែរ មានទីលំនៅភូមិព្រែកព្នៅ សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ មុខរបរមិនពិតប្រាកដ។
សម្ភារៈដកហូតមានៈ ក្រាមពណ៌សថ្លាចំនួន៤២កញ្ចប់តូច។ បច្ចុប្បន្នកម្លាំងជំនាញកំពុងសាកសួរយកចម្លើយ ស្វែងរកបក្ខពួក និងកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តតាមនីតិវិធី ៕
ចំនួនអ្នកទស្សនា
- ថ្ងៃនេះ1201
- ម្សិលមិញ12101
- សប្តាហ៍នេះ13311
- ខែនេះ128461
- ឆ្នាំនេះ128461
- សរុប20570917